مسرحية في الهوا سوا

مسرحية "في الهوا سوا" في مسرح الچزويت

أخيرًا نقدر دلوقتي نعزمكم تيجوا تحضروا مسرحية "في الهوا سوا" في مسرح الچزويت يوم الأثنين ١٥-٧-٢٠١٩ العرض دة إيه حكايته ومين الناس دي..!؟ العرض نتاج مبادرة "مسرح في الشارع" إحدى مبادرات هيئة إنقاذ الطفولة (مشروع مسار إيجابي) والمبادرة دي قام بيها شباب من بلاد كتير زي (مصر/ إريتريا/ السودان/ اليمن/ سوريا) من سكان محافظتي القاهرة والجيزة.. المبادرة دي بتعتمد على المسرح كطريقة تعبير عن موضوعات معينة بتشغل بال الشباب، زي "الهجرة والعنصرية وعمالة الأطفال وغيرها من الموضوعات" فاتدربوا على أساليب مسرح الشارع من حركة وصوت وإيقاعات مع مدربين متخصصين في ورشة مدتها 110 ساعة نتج عنها عرض مسرحي (في الهوا سوا) واختارنا منهجية مسرح الشارع أو المسرح الفقير نظرا لطبيعة النوع دة من المسرح الاجتماعية التفاعلية مع الجمهور ودة بيخلي الشباب يتواصلوا بشكل مباشر مع جمهورهم حتى أثناء العرض، كمان النوع دة من المسرح بيتيح ليهم فرصة تكرار العرض بعيدا عن المسارح المجهزة فيقدروا يعرضوا مسرحيتهم في مساحات مفتوحة.. وقريب جدا العرض هايتكرر فى مساحات مفتوحه.. العنوان : جزويت القاهرة "15 شارع المهراني/ الفجالة/ رمسيس" الدخول الساعة 05:30 والمسرحية هاتبدأ الساعة ستة.. ولكل إللي بيسأل عن التكلفة فنحب نقول له الجملة إللي بتبسط كل الناس "الدخول مجاني بأسبقية الحضور".. مستنيينكم تنورونا، إعزموا كل أصحابكم وأهاليكم، وتعالوا ننبسط العارضون.. السيد محمد جابر محمد عبدالقادر حسام الدين الميداني إيمي رمزي أحمد المدني إسلام أحمد حسين عبدالله محمد حمدي سيف محمود علي منار سامي منة الله محمد عبدالرحمن كمال "كلوة" إبراهيم محمد إدريس يارا عون ياسمين عبدالمقصود ليلى منير إدريس حسام شعبان المساعدون مختار الديناري شيماء فوزي محمد طارق أبوهنيدي المدربون أحمد عادل "إيقاعات" صابر الطوخي "تمثيل وحركة"