سلام مربع
سلام مربع
لأن احتفالنا بقيمة السلام في حياتنا مينفعش يكون يوم واحد بس في السنة، قررنا في مبادرة سلام مربع انه يكون عندنا أكتر من احتفال بالسلام. ونلف بيه محافظات مختلفة.
بندعوكم لحضور احتفالية سلام مربع في القاهرة يوم ٢٦ نوفمبر ٢٠٢٢ واللي حيكون بالشراكة مع مركز جزويت القاهرة الثقافي.
والمرة دي، الاحتفال هيكون مختلف لأن اليوم هيتزامن مع حملة ال ١٦ يوم لمناهضة العنف ضد المرأة، وهيكون فرصه لتسليط الضوء علي قضية تمكين المرأه ومواجهة العنف اللي بتتعرض له، وتسليط الضوء على جهود خلق مساحات للتمكين وبناء علاقات فيها انسجام وتسمح بالنمو لكل الأطراف.
ولأن الفن وسيلة من أهم وسائل مناهضة العنف والتعبير السلمي، عشان كدا بجانب مساحة التشبيك اللي حتجمع ممثلي الشركات والجمعيات والمبادرات اللي هدفها تمكين المرأة في مجتمعنا المصري، هيكون فيه مساحات متنوعة من ورش العمل الفنية.
وفي نهاية اليوم حنختم بحفل مليان بالعروض الفنية واللي حيستضيفها أرض مسرح ناصيبيان اللي كان واحد من أبرز رموز الفن والثقافة في مصر، وكان تاني أقدم استوديو للتصوير السينمائي بعد استوديو مصر، واللي جزء من تذكرة الحفل حتكون لدعم جهود إعادة بناؤه بعد الحريق اللي طاله من سنة.
الدعوة عامة لكل أنشطة اليوم فيما عدا الحفل الختامي
التسجيل لورش العمل والحفل من خلال التطبيق
https://sawaa.glideapp.io
تابعونا الأيام اللي جاية عشان تعرفوا أكتر عن تفاصيل اليوم ..
#يوم_سلام #سلام_مربع