ورشة السيرك والأكروبات
عادل البهدلي
تخيلت نفسك لاعب سيرك قبل كدا؟
عايز تكتشف عالم السيرك المبهر؟
في الورشة دية هنتعلم مهارات مختلفة زي اللعب بالكور (Juggling) ، التوازن (Roller balance Board ) ، الهولاهوب ، وتشكيلات جماعية بأجسامنا.
في الورشة هنتعرف على أجسامنا ومميزاتها في المرونة والقوة. وهتشتغل على التوافق العضلي العصبي اللي هيزود تركيزنا. واكيد طبعا هنشتغل على العمل الجماعي وازاي نقدر ندعم بعض بطريقة صح.
الورشة مفتوحة لجميع الأعمار والخبرات
ومتنسوش تيجوا بملابس رياضية مريحة
التاريخ:
الخميس 4 أغسطس
الجمعة 5 أغسطس
السبت 6 أغسطس
من الساعة 6 للساعة 10 مساء
التكلفة: 600 جنية
طرق الدفع:
تقدروا تنورونا في الجيزويت كل ايام الاسبوع من الساعة 4 للساعة 9 مساء عدا الجمعة و الاحد
أو تدفعوا عن طريق فودافون كاش علي رقم 01065534019
طرق التقديم و تأكيد الحضور:
تملوا الاستمارة (https://forms.gle/GjARdU16j7UriLe76)
هنبعتلكم رسالة تأكيد فيها المواعيد و التاريخ و طرق الدفع
الدفع قبل التاريخ اللي هنبعتهلكم في رسالة التأكيد
للاستفسارات:
تقدروا تبعتوا لنا رسالة على صفحة الجيزويت او تكلمونا على الرقم (٠١٠٣٢٧٠٦٥٧٠)
عن المدرب:
الفنان عادل البهدلي تولي الاشراف علي السيرك القومي عام 2014.
شارك و قدم عروض في العالم العربي و اوروبا في اكتر من دولة, زي الدنمارك, السويد, هولندا و غيرهم.
هو مدرب السيرك و الاكروبات و الحركة في مدرسة ناس من عام 2015 و حتي الان.
بيدرب السيرك و الاكروبات في المدرسة الفرنسية من 2018 و حتي الان.
درب طلبة و خريجي مدرسة الدرب الاحمر للفنون من عام 2010 و حتي 2019.
عن مدرسة ناس:
مدرسة ناس للمسرح الجسدي والاجتماعي تأسست ٢٠١٣ بمركز الجزويت الثقافي بالقاهرة وهي تسعى لخلق تيار مسرحي يتفاعل مع القضايا المصرية، يقدم عروضه حيث يتواجد الناس في الشوارع، والميادين، والساحات العامة في القرى والمدن.
وهي تشمل برنامج دراسي لمدة عامين ونصف لتدريس مختلف فنون المسرح الجسدي من حركة واكروبات وفيلدن كرايس ومايم وماسك وكوميديا دي لارتي وميلودراما وكلاون وحكي جسدي وخلق جماعي وصوت وايقاعات وثقافة والمجتمع .
عن جيزويت القاهرة:
تأسست النهضة العلمية والثقافية بالفجالة (مركز جزويت القاهرة الثقافي) عام 1998 على يد الآباء والأخوة اليسوعيين ”الجزويت“ وبعض المصريين من المسلمين والمسـيحيين المهتمين بالقــضايا الفنــية والثقافــية والمــدنية وغيرهــا من القضـايا التي تهــم المصــرييـن جميـــعا.
وينطلق من دور ثقافة الصـــورة في تنمية الإنسـان على مختلف الأصعدة، وتربط بين الإبداع وإظهار الطاقات الكامنة في الإنسان المصري. وتم إشهارها في وزارة الشؤون الاجتماعية (التضامن الاجتماعي) برقم 4499، وتعمل في عموم جمهورية مصر العربية